ITEG Lajme
Pajisje të reja, panaire dhe ngjarje ku ka marrë pjesë ITEG.
Në mars 2024, ITEG mori pjesë në Smart City Summit & Expo dhe në World System Integrator Conference 2024 (WSIC). Këto ngjarje mbledhin kompani dhe institucione që punojnë me zgjidhje për qytete të mençura, integrim sistemesh dhe digjitalizim. Për ekipin tonë ishin rast për të njohur teknologjitë më të reja dhe për të krijuar bashkëpunime të reja.
ITEG është ndër dymbëdhjetë fituesit e Kosovo Green Challenge, BOOST x Kosovo, edicioni i dytë, me projektin për futjen e teknologjisë së dronëve në bujqësi. Duke investuar në dronë me sensorë dhe kamera, ITEG synon t'i ndihmojë fermerët të vlerësojnë shëndetin e bimëve dhe të zbulojnë herët sëmundjet, duke ruajtur të mbjellat dhe duke rritur rendimentin. BOOST x Kosovo mbështetet nga UNDP Kosovo dhe zbatohet në bashkëpunim me Innovation Centre Kosovo dhe Raiffeisen Bank, me qëllim mbështetjen e rimëkëmbjes së gjelbër në sektorin privat përmes praktikave të qëndrueshme, inovacionit dhe digjitalizimit.
Ekipi i ITEG-ut mori pjesë në Kosovo Solar Forum 2022, ku prezantoi inçizimet me dron për identifikimin e potencialit solar të kulmeve në Kosovë. Në shtandin tonë patëm kënaqësinë të mirëpresim Kryeministrin, Ambasadorin e SHBA-së, Ministrin e Ekonomisë, Drejtorin e Misionit të USAID-it në Kosovë, këshilltarë, ekspertë dhe specialistë të USAID-it, Shefin e BERZH-it për Kosovën, përfaqësues të IFC-së dhe të Bankës Botërore, si dhe shumë organizata ndërkombëtare, OJQ dhe kompani private. Ju falënderojmë për mbështetjen e fortë dhe gatishmërinë për të bashkëpunuar me kompaninë tonë.
WingtraOne GEN II ofron besueshmërinë më të avancuar te dronët për matje: algoritmet e tij kontrollojnë vazhdimisht të gjithë komponentët kritikë para dhe gjatë fluturimit. Tani mund të pajiset me kamerë të pjerrët (oblique) për rindërtime 3D shumë të detajuara dhe me marrës GNSS PPK të integruar për çdo kamerë, për saktësi në nivel centimetri.
Droni hartografik VTOL WingtraOne kryen inçizime të shpejta ajrore mbi zona të gjera ose të vështira për t'u arritur dhe prodhon harta të besueshme me rezolucion dhe saktësi të lartë. Kamerat Sony me rezolucion të lartë ose kamera multispektrale MicaSense ndërrohen lehtë në terren, ndërsa planifikimi i fluturimit dhe fluturimi janë plotësisht autonomë. Rezultatet përpunohen në të gjithë softuerët kryesorë të fotogrametrisë për ortofoto dhe modele 3D.
ITEG mori pjesë në Panairin Ndërkombëtar Prishtina 2019, nga 24 deri më 26 prill. Në foto: drejtori i përgjithshëm Argjent Nela me kryeministrin e Kosovës, Ramush Haradinaj.
ITEG mori pjesë në Western Balkan Conference.
Ngjarja B2B u mundësua me mbështetjen e GIZ-it përmes programit për Konkurrueshmërinë e Sektorit Privat në Zonat Rurale, të USAID Kosovo dhe të Sida-s përmes projektit Empower Private Sector Kosovo.
ITEG ishte njëra nga gjashtë kompanitë kosovare të sektorit TI në delegacionin e biznesit në Gjermani, 14–18 nëntor, me mbështetjen e projektit CoSiRA të GIZ-it dhe në bashkëpunim me Shoqatën e TIK-ut të Kosovës, STIKK.
Matje kadastrale, inçizim me dron apo sistem GIS: na tregoni çfarë ju duhet dhe ju kthejmë ofertë brenda një dite pune.
