ITEG Rreth nesh

Saktësi gjeodezike që nga viti 2009

ITEG është kompani e licencuar për gjeodezi, GIS dhe projektim inxhinierik. I kthejmë matjet në terren në të dhëna të besueshme për institucione publike, organizata ndërkombëtare dhe kompani private.

E licencuar nga Agjencia Kadastrale e Kosovës, nr. 356
Stacione totale, GNSS dhe dronë WingtraOne PPK dhe GEN II
Projekte për USAID, Bankën Botërore, UN-Habitat, KOSTT dhe IPKO

Kërko ofertë Shiko projektet

Stacion total i ITEG në kantierin e parkut të erës Bajgora — **Parku i erës Bajgora, 105 MW**Matje dhe mbikëqyrje gjeodezike, 2020

Rreth nesh

Me seli në Prishtinë, ITEG (IT, Projektim inxhinierik dhe zgjidhje GIS) u themelua në shkurt të vitit 2009 si rezultat i procesit të outsourcing-ut në IPKO Telecommunications. Ekipi themelues u bashkua në qershor 2006 me krijimin e njësisë GIS të IPKO-s dhe kishte punuar me GIS që nga faza humanitare dhe e rindërtimit në Kosovë, nga viti 1999. IPKO mbetet klient i rëndësishëm, ndërsa pavarësia na mundësoi shumëllojshmëri projektesh dhe klientësh.

2009viti i themelimit, nga njësia GIS e IPKO-s
Nr. 356licenca nga Agjencia Kadastrale e Kosovës
1,5 cmrezolucion për piksel me dronin WingtraOne
1:500harta vektoriale të përditësuara të Kosovës

Nga matja në terren deri te sistemi që e përdorni çdo ditë

ITEG është kompani kosovare e specializuar në Sistemet e Informacionit Gjeografik (GIS) dhe teknologji informative për klientë privatë dhe publikë. Kemi njësi të plotë për mbledhjen dhe analizën e të dhënave, punojmë me paketat kryesore GIS dhe TI dhe me formate të ndryshme vektoriale e rasterike.

GIS, gjeodezi dhe kadastër

Qëllimi i shërbimeve tona GIS është t'u japim klientëve produkte me vlerë të shtuar për vendime më të informuara. Analizojmë informacionin hapësinor me një sërë paketash softuerike dhe gjuhësh programimi. Imazhet satelitore na japin pasqyrë të ndryshimeve në kohë: kemi hartuar shpyllëzimin dhe ripyllëzimin në Kosovën perëndimore, përhapjen e bimëve aromatike në zona pilot dhe ndryshimet në përdorimin e tokës bujqësore.

Matje kadastrale dhe gjeodezike
Modelim 3D i terrenit dhe renderim
Digjitalizim dhe harta tematike
Harta vektoriale 1:500 për tërë Kosovën

Projektim inxhinierik

Matjet e sakta në terren janë baza për planifikimin dhe zbatimin e çdo projekti. Gjeodetët, inxhinierët e ndërtimtarisë dhe arkitektët tanë, bashkë me partnerë të ndryshëm, përbëjnë ekipin që e çon projektin nga skica deri te mbikëqyrja në kantier.

Projektim dhe dokumentim teknik
Mbikëqyrje e punimeve
Vizualizime dhe renderime 3D
Llogaritje gërmimi dhe mbushjeje

Teknologji informative dhe WebGIS

Mbulojmë një spektër të gjerë shërbimesh TI: nga zhvillimi i bazave të të dhënave dhe gjeodatabazave, programimi dhe web-programimi, deri te konfigurimi i rrjeteve dhe mirëmbajtja e routerëve, switch-ave dhe firewall-ëve. Platformat tona WebGIS përdoren nga rregullatorët, ujësjellësit dhe Komisioni Qendror i Zgjedhjeve.

Zhvillim softueri dhe WebGIS
Menaxhim projektesh
Rrjete, fibër optike dhe serverë
Dizajn kreativ dhe ueb

Si punojmë

Të besueshëm
Bashkëpunues
Të përkushtuar
Të kualifikuar

Bashkëpunimet

Kemi marrëdhënie të ngushtë pune me Environment Systems Ltd (Mbretëria e Bashkuar) për përpunimin e avancuar të të dhënave nga sensorët në distancë në kontekst mjedisor. Jemi të hapur për bashkëpunime të reja strategjike me përfitim të ndërsjellë.

Pajisjet

Njësi e plotë GIS dhe TI për mbledhjen dhe analizën e të dhënave, stacione totale, GNSS, dronë WingtraOne dhe shtypshkronjë e brendshme për harta në formate të mëdha sipas specifikave të klientit.

Klientët dhe partnerët

Keni një projekt në terren?

Matje kadastrale, inçizim me dron apo sistem GIS: na tregoni çfarë ju duhet dhe ju kthejmë ofertë brenda një dite pune.

Kërko ofertë